وجه الفنان تامر حسني عبر حسابه الرسمي بموقع تبادل الفيديوهات والصور إنستجرام، رسالة للشباب، طالبهم خلالها بالسعي والعمل الجاد وعدم الاستسلام للإحباط والأفكار السلبية.
وكتب الفنان تامر حسني قائلا: حبايبي اللي بيفكروا حالا، دي رسالة ليكم، قضبان سجن أفكارك السلبية هي من صنعك إنت، محدش حابسك والله، إنت اللي حابس نفسك. مجرد ما هتبطل تفكر بشكل يائس هتقع كل القضبان وهتخرج من سجنك وهتنجح وهتحقق كل اللي نفسك فيه وأكتر.
تامر حسني: الحياة مش بتحب ولا هتضحك للمستسلم
وأضاف تامر حسني: أقسم بالله قبل ما أنجح ياما كنت بسمع جملة إنت مستحيل تنجح، صوتك مش هيوصل، مفيكش مواصفات النجم، بالإضافة للفقر المادي القارص والتفكك الأسري من سن 7 سنين، يعني إحباط من كل الجوانب، بس كنت مبيأسش ولا بسمع الكلام المُحبط، بالعكس كان بيحمسني أكتر ويزيدني عناد للوصول.
واختتم قائلا: خليكم كده وقوموا اتحركوا واسعوا، الحياة مش بتحب ولا هتضحك للمستسلم، ولو مش عاجبك مكانك في الدنيا!! غيره!! إنت مش تمثال.
