«من غير تنطيط».. تامر حسني يقترح إقامة حفل هادئ مثل الأوبرا

أعلن المطرب تامر حسني عبر حسابه الرسمي على موقع التواصل الاجتماعي «فيسبوك» عن رغبته في تلبية اقتراح إحدى معجباته بإقامة حفل يشبه حفلات الأوبرا.

وكتب تامر حسني: «شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغان هادئة، فعلاً فكرت يا هالة في الفكرة دي، وكمان إني أوزعها كلها مع أوركسترا كبيرة».

وأضاف: «بجد نفسي أغني من غير حركة وتنطيط ورايح جاي، وأقدملكم حفلة كاملة زي طريقتي لما غنيت نسيانك صعب، شجعتيني يا هالة والله، إيه رأيكم يا شباب؟ ولا كله عايز يتنطط ويكون الحفل زحمة؟ قولولي رأيكم».

تامر حسني يشارك جمهوره إعادة أغانيه القديمة في الحفلات

وشارك تامر حسني منذ قليل عبر حسابه على «فيسبوك» جمهوره فكرة إعادة تقديم أغانيه القديمة في الحفلات خلال الفترة المقبلة.

وكتب تامر: «يا مساء الفل على الكل، عايز أعمل تصويت على أغاني قديمة أرجع أغنيها تاني في الحفلات أو أعملها كڤرات، بس الحقيقة إني مش عارف إيه الأغاني اللي بتحبوها أكتر ومنتشرة بينكم وربما مش واصلني ده».

وأضاف: «هعمل كل شوية تصويت على الستوري وانتوا هتساعدوني. يلا، أول تصويت نزل حالًا. ستورِي، نهاركم جميل وجمعة مباركة».

• تامر حسني
• المطرب تامر حسني
• حفل تامر حسني