الرئيس السيسي: لن يعمل موظف في مؤسسات الدولة دون تأهيل داخل الأكاديمية العسكرية

أكد السيد الرئيس عبد الفتاح السيسي، أننا نواصل العمل على ضخ دماء جديدة في مؤسسات الدولة، وأضاف في كلمته بحفل الإفطار الذي حضره مع طلاب أكاديمية الشرطة صباح اليوم، وعرضتها قناة «إكسترا نيوز»: «لن أسمح بدخول أحد للعمل في مؤسسات الدولة دون تأهيل داخل الأكاديمية العسكرية، مش أنتم بتتكلموا في تكافؤ الفرص؟ أنا عاوز أعمل مسطرة واحدة، وبتكلم عن النوعية اللي عاوز تضخها في دماء الدولة المصرية، وده مش كلام».

وتابع: «أنت عاوز تضخ دم مظبوط؟ عاوز في الجيش كده عاوز في الشرطة كده عاوز في القضاء كده عاوز في المعلمين كده، تعملها إزاي؟ مش بتشتكوا وتقولوا إحنا مش مستريحين مش عاجبنا الشكل الفلاني؟ طيب يبقى لازم كان فيه إجراء تنفيذي، فيه فرق كبير جدا من حضرتك تقولي توصية تكتبها في الجورنال وأنا أدور على فكرة تنفذ توصيتك، ممكن يبقى ناس معاك شغالة يشاوروا لك على فكرة أو فكرتين أو تلاتة يحلوا مسألة كبيرة جدا».

وواصل: «تصور النهارده الخريجين بعد 10 سنين في القضاء والخارجية والرقابة الإدارية، كلهم بمعايير واحدة الموضوع ده تحت المتابعة الدقيقة اللصيقة يوميا مع المسؤول مع الموضوع، أنا شايف إن دي الفرصة اللي ممكن أكون فيها سبب في إصلاح مؤسسات الدولة بس على مدى طويل».

• تأهيل الكوادر
• الرئيس السيسي
• مؤسسات الدولة
• الاكاديمية العسكرية