قالت الفنانة ريم أحمد إن يومها مع ابنتها يبدأ بصباح مليء بالحوار والاختلافات الصغيرة، مضيفة: «بنفطر سوا وأحيانًا نتشاجر شوية، أنا بأقول لها حاجات ما بتتعملش، وهي بتعمل اللي نفسها فيه، شخصيتها قوية ولازم أعترف إنها أحيانًا أقوى مني».

منح الطفل حرية الاختيار

وتحدثت ريم عن أسلوبها في التعامل مع ابنتها، وذلك خلال استضافتها ببرنامج «ست ستات»، المذاع على قناة DMC، قائلة: «أنا ما بفرضش عليها، بل بسألها: حضرتك عايزة تفطري إيه النهاردة؟.. أو عايزة تخرجي؟.. هي بتحب تختار».

وأضافت: «بنحب نقعد سوا بالليل ونتفرج على أفلام، وبنتابع دروس الباليه اللي بتحبها، وبيكون عندنا وقت خاص للرقص والموسيقى تقريبا ساعة ونصف، حسب مزاجها».

وعن تجربتها مع مسلسل «يوميات ونيس»، قالت ريم: «كنت صغيرة وقت تصوير المسلسل، وربيت مع شخصيتي في كل الأجزاء، تعلمت من كواليس المسلسل دروسًا في التربية أطبقها مع بنتي».

تجربة «وميات ونيس» وتأثيرها التربوي

وواصلت: «ابنتي بتحب تكون مسيطرة وعايزة كل الأنظار عليها، فأحاول أعلّمها أهمية المشاركة والاهتمام بالآخرين، وأعلمها مبادئ مثل الاعتذار وعدم تعريض الآخرين للأذى بسبب الغضب».

وتابعت: «بحب أعلّمها حب الآخرين ومساعدة الناس، في البيت هي تساعدني في المطبخ، وده شيء بيفرحني جدًا».

• ست ستات
• DMC