قال الفنان طه الدسوقي، إن فيلم «السادة الأفاضل» الذي يشارك في بطولته، حقق له أمنية فنية طال انتظارها، وهي التعاون مع الكاتب مصطفى صقر والمخرج كريم الشناوي في عمل واحد، «بحب كوميدي مصطفى صقر ومحمد عز، لأنهم زي الكومبو مع بعض، ومن أشطر كتاب الكوميديا في مصر».
السادة الأفاضل فيلم قصصه متشابكة
وأضاف «الدسوقي» خلال لقائه مع الإعلامية لميس الحديدي في برنامج «الصورة» المذاع عبر شاشة «النهار»: «كان نفسي أشتغل مع كريم الشناوي على حدة، لكن الفيلم جمع الأمنيتين في عمل واحد».
وأردف: «اللي شدني لفيلم السادة الأفاضل إنه عمل جماعي حقيقي، مش مجرد قصة فرد أو صعود نجم بعينه، كل الشخصيات فيه حلقات بتكمل العقد، وعدم وجود أي شخصية ممكن يوقف الحدوتة، وده النوع اللي بحبه في الأفلام اللي بتكون قصصها متشابكة وكل شخصية فيها مؤثرة».
وأشاد بالمخرج كريم الشناوي، قائلًا: «مخرج بيحب الممثلين جدًا، وبيعرف يوظف كل ممثل في مكانه الصح، وبيخلي الواحد يحس بأهمية اللي بيعمله، وده بيخلي الممثل يشتغل وهو حاسس بالفخر إنه جزء من العمل».
