ليلى أحمد زاهر: صورت مسلسلين في الوقت نفسه ووصلت لمرحلة «الزومبي»
ليلى أحمد زاهر: صورت مسلسلين في الوقت نفسه ووصلت لمرحلة «الزومبي»
كشفت الفنانة ليلى أحمد زاهر عن لحظة شديدة الإرهاق مرت بها أثناء تصوير مسلسلين في وقت واحد، قائلة: «مرة كنت مطبقة من التصوير، يمكن منمتش بقالي يومين، وراجعة بعد فترة طويلة مشوفتش فيها هشام، دخلت رميت شنطتي على الأرض، وغيرت هدومي بسرعة من كتر التعب، ونسيت أسلم عليه، كنت عاملة زي الزومبي، ودخلت نمت، فصحاني وقال لي: إيه يا حاجة؟ مش هتسلمي ولا إيه؟».
ضغط نفسي وجسدي مستمر
من جانبه، أوضح المنتج والفنان هشام جمال، خلال استضافتهما ببرنامج «صاحبة السعادة»، المذاع على قناة DMC، وتقدمه الإعلامية والفنانة إسعاد يونس، حجم الضغط الذي تعرضت له ليلى خلال تلك الفترة، قائلاً: «ليلى كانت في مرحلة صعبة جداً، بتصور مسلسلين في وقت واحد لمدة 30 أو 35 يوم متواصلين، وده ضغط غير طبيعي على أي بني آدم، خصوصًا لو بنت وجسمها مش مستحمل التعب ده».
تعاطف الفريق مع حالتها
وأضاف خلال حديثه عن ليلى زاهر: «المسلسلين نفسهم كانوا بيكلموا بعض عشان يريحوا ليلى كإنسانة، لأن اللي بيحصل كان مش منطقي، في مرة رجعت من التصوير وافتكرتها زعلانة، دخلت غيرت واديتني ضهرها ونامت على جنب، قولت لها: هو انتي مضايقة من حاجة؟ ردت عليا وقالتلي: يا نهار إسود! إزيك؟ أنا بس تعبانة، قعدت شوية وبعدين نامت».
