حلم عمري ضاع.. أول تعليق للمطرب علي رؤوف بعد تعرضه لحادث مروع
حلم عمري ضاع.. أول تعليق للمطرب علي رؤوف بعد تعرضه لحادث مروع
تعرض الموسيقار علي رؤوف صاحب أغنية أنا مش بشحت بالجيتار، لحادث سير مروع في الساعات القليلة الماضية، أسفر عن تهشم السيارة ونقله إلى المستشفى.
تطورات الحالة الصحية لـ علي رؤوف
وفي أول تعليق من علي رؤوف، قال خلال منشور له عبر حسابه الرسمي بموقع فيسبوك: «أحب أطمنكم عليا وعلي صحتي أنا بخير إلى حد ما.. عندي بس شوية جروح وشرخ بسيط في منتصف القفص الصدري وكدمات شديدة في العمود الفقري.. وبما إني صاحب الشأن بنفي أي خبر عن إني في حالة حرجة أنا محتاج بس راحة من أسبوعين إلى 3 أسابيع ومفيش داعي أتكلم عن الحادث أو تفاصيله».
وتابع: «أينعم كتير عنده فكرة إن دي أول عربية أجيبها في حياتي وكانت حلم من أحلام عمري بس ما دام جت في الحديد في ستين مليون داهية.. ومش محتاج أقول إن دي تحويشة سنين بس نقول إيه بقي غير اللي إيده في المية مش زي اللي إيده في النار».
واختتم: «الخلاصة إني بخير إلى حد ما ومش زعلان على حاجة ومسيري أقوم بالسلامة وأبدأ من الصفر تاني.. كل اللي أنا طالبه علي قدر حبكم ليا اتمنوا لي الخير لإن أي نجاح بعمله هو حصاد 15 سنة مرمطة وتعب بلا راحة وتكاسل.. وأظن أي كرير في الدنيا محتاج تعب وكفاحـ وأحب أحيط علم سيادتكم إني مش بتباها بممتلكاتي وخير دليل على ذلك محدش يعرف إني كان معايا عربية أصلا ويوم ما انتشر الخبر كله شافها متدشملة في الحادث لأني ديما براعي احتياج الغير للأشياء الثمينة فمبحبش أخلي أي حد يستفذ بحاجة معايا هو نفسه فيها ودا من أصول تربيتي».
وكان علي رؤوف حقق شهرة واسعة الفترة الماضية بعد غناء أغنية أنا مش بشحت بالجيتار، التي لاقت تفاعلا كبيرا عبر مواقع التواصل الاجتماعي.
