نانسي صلاح لـ«ست ستات»: بحصن نفسي بالقرآن.. وأصحابي القدام هما «سندي»
نانسي صلاح لـ«ست ستات»: بحصن نفسي بالقرآن.. وأصحابي القدام هما «سندي»
قالت الفنانة نانسي صلاح، إن قلبها «غريب جدًا» ولا يتوقف عن الشعور بالحب تجاه كل ما يحيط بها في الحياة، موضحة: «قلبي ماشي يدق على طول في كل حاجة.. الحب بالنسبالي موجود في كل حاجة حواليا، ولما الدنيا بتقفل وبتغمق بشوف أي حاجة بحبها وبعملها».
من هم «ضهر وسند» نانسي صلاح؟
وأضافت «صلاح»، خلال لقاء مع الإعلامية جاسمين طه زكي، ببرنامج «ست ستات» عبر شاشة «DMC»، أنها عندما تمرّ بظروف صعبة أو تشعر بالضيق، تلجأ دائمًا إلى أصدقائها القدامى، الذين تعتبرهم السند الحقيقي في حياتها، قائلة: «لو الدنيا بتقفل بروح لأصحابي من الطفولة، هما ضهري وعيلتي وأخواتي، وفي أصحاب بقالي معاهم أكتر من 20 سنة، وتعاملنا مختلف».
وشددت على أنها تؤمن بأن بعض الأشخاص قد يُظهرون المحبة، وهم في الحقيقة يحملون نوايا سيئة، مؤكدة أهمية التحصين الروحي والاهتمام بالعلاقات الإنسانية بوعي، موضحة: «فيه ناس حوالينا بيحبونا جدًا، بس ما نعرفش إنهم أعداء، عشان كده لازم نحصن نفسنا، وبقرأ قرآن كتير جدًا وبسبّح، والحاجات ديه بتحفظني».
وتابعت: «ضروري نشر الخير ومساندة الآخرين، لازم نعمل صدقات والخير ونوزعها بإيدينا، ونشوف آلام الناس ونحمد ربنا على اللي إحنا فيه».
