يسرا: أهدي وسام الشرف الفرنسي لمصر وأمي وزوجي..والنجاح لحظة لا تقدر بثمن
يسرا: أهدي وسام الشرف الفرنسي لمصر وأمي وزوجي..والنجاح لحظة لا تقدر بثمن
قالت الفنانة يسرا إنها تشعر بسعادة كبيرة بعد حصولها على وسام «فارس جوقة الشرف» الفرنسي، معبرة عن امتنانها للتكريم: «أنا فرحانة جداً بالوسام، وفرحانة إنهم فكروا فيّا، وأهديت التكريم لمصر وأمي وجوزي ولكل أصدقائي اللي وقفوا جنبي وسابوا بصمة في حياتي».
افتتاح مهرجان القاهرة السينمائي
وعن أعمالها السينمائية المقبلة، أوضحت يسرا على هامش افتتاح مهرجان القاهرة السينمائي الدولي الذي تعرضه قناة DMC، أنها تعمل حالياً على فيلمين جديدين هما «الست لما» و«بنات فاتن»، قائلة: «لسه مخلصتش الفيلمين، لكن هخلصهم قريب».
وتحدثت يسرا عن مسيرتها الفنية التي تمتد لنحو نصف قرن، قائلة: «أنا مش حاسة إن مسيرتي 50 سنة، دي بالنسبة لي كأنها 50 دقيقة عدت بسرعة، دايماً بيقولوا إن الوقت الحلو بيعدي بسرعة، وده حقيقي، بكل ما فيها من نجاح وفشل، كل لحظة في حياتي الفنية مرت بسرعة».
وأضافت: «النجاح لحظة لا تُقدر بثمن، والوصول لخطوات كبيرة في حياتك محتاج شغل كتير وصبر، إنك تفضلي محافظة على مكانتك 50 سنة، ده مش سهل أبداً».
تكريم المخرج محمد عبد العزيز
وعن تكريم المخرج الكبير محمد عبد العزيز في مهرجان القاهرة السينمائي، قالت يسرا: «اشتغلت معاه أفلام كتير جداً في بداية حياتي، وهو عنده أحلى خفة دم في الدنيا، راجل دمه شربات، بيحب الحياة والضحك والهزار، لكن وقت الشغل بيكون جاد جداً وما عندوش هزار».
