فريدة سيف النصر تكشف معاناتها بعد وفاة شقيقتها: أول مرة أحس بغدر السنين

كشفت الفنانة فريدة سيف النصر عبر حسابها الرسمي بموقع التواصل الاجتماعي فيسبوك، مدى معاناتها النفسية منذ وفاة شقيقها بدر أقرب أشقائها لها.

وكتبت فريدة سيف النصر قائلة: يمكن محدش صاحي لسه النهارده الجمعه، بس أنا مش عارفة أنام علي بعضه نص ساعة أو أقل وأقوم مش عارفة، لكن أنا مبقيتش أنا بعد بدر ده حقيقي، أول مرة أحس بغدر السنين وخيانة القوة وتلاعب القدر وبطعنات من كل اتجاه داخل جسمك، قمة الخيانة لما نفسك تصارع جسدك ومتلاقيش حد فيهم يقاوم إلا روحك المتمسكة بحبايبك وإرادتك إنك تبلغ رمضان.

وأضافت: لكن لله حسابات أخرى، كنت هالوم الدكتور اللي شال أجهزة التنفس من غير ما ياخد رأي حد خاصة أنه بقى كويس، صح يا دكتور أحمد سالم، لكن ما يجيش منه، اللي راح راح وهو عند رب كريم.

واختتمت: كل جمعة وأنت زين رجال الجنة وشهيد، المبطون يا بدر شهيد ده لو مرض واحد، وأنت فجأة كل الأجهزة بتاعتك علقت الراية السودة كلها وغرقت جوه نفسك، مش هتفهموا بس ده اللي حصل، على أي حال، أنت ارتحت بس أنا حتى النوم مخاصمني، ولا حول ولا قوة إلا بالله.

• فريدة سيف النصر
• شقيق فريدة سيف النصر
• الفنانة فريدة سيف النصر