حلا شيحة توجة رسالة لدينا الشربيني.. ماذا قالت؟
حلا شيحة توجة رسالة لدينا الشربيني.. ماذا قالت؟
وجهت الفنانة حلا شيحة، رسالة دعم عبر حسابها الرسمي بموقع تبادل الفيديوهات والصور إنستجرام للنجمة دينا الشربيني بعد الهجوم الذي واجهته مؤخرًا.
وكتبت حلا شيحة قائلة: «الجميلة دينا الشربيني أعرفها من سنين طويلة، وأشهد أنها من أطيب وأرقّ القلوب، روح مرحة، خفّة دم، وجدعنة.. صديقة قريبة، ونيّتها دائمًا طيبة مع الناس، رسالتي للناس اللي بتهاجمها:
للأسف، العتب مش بس على اللي بيصدق الشائعات، العتب الأكبر على بعض الإعلاميين اللي فقدوا المهنية، وبقوا ينشروا كلام غير موثوق وغير صحيح، والناس تسمع وتنقل وتزود من عندها!».
وأضافت حلا شيحة قائلة: «أولًا وبوضوحدينا مش خرابة بيوت ولا عمرها كانت كده، الزواج والطلاق قسمة ونصيب، ومحدّش بيخطف حد من حد، وأنا أعرف دينا كويس وأعرف إنها ما تعملش حاجة من اللي بيتقال ظلمًا، المشكلة إن السوشيال ميديا بقت ساحة مفتوحة للإشاعات، والتجريح، والخوض في الأعراض، وكأن الكلام ما بقاش له حرمة ولا أثر».
وتابعت: «الكلام المؤذي ممكن يكسّر قلوب ويظلم ناس بريئة ويتسبب في أذى كبير، وربنا أمرنا إننا نمسك لسانا، وما نخوضش في سمعة حد، لأن دي من أخطر الذنوب، واحنا كلنا هنقف قدام ربنا ونتحاسب على كل كلمة قلناها أو نقلناها، ولحبيبتي دينا، سيبي كل ده وراكي، إنتِ إنسانة جميلة من جوه وبرّه، وقلبك طيب ونيّتك بيضا، وما يستاهلش تتأذي من كلام جاهل لا يعرف حقيقتك، ربنا يكرمك بالخير اللي قلبك يستحقه».
واختتمت قائلة: «لكل من خاض في عرضها.. اتقوا الله، الكلمة أمانة، وظلم الناس مش لعب، وكل واحد هيتحاسب أمام رب العالمين على اللي قاله واللي نشره واللي شارك في إيذاء إنسانة بريئة، وقد قال رسول الله ﷺ: «من تتبّع عورة أخيه تتبّع الله عورته، ومن تتبّع الله عورته فضحه ولو في جوف بيته»، وقال ﷺ: «لا يدخل الجنة نمّام».
