أول تعليق من محمد عادل إمام بعد حريق «لوكيشن» تصوير مسلسل الكينج

أعرب الفنان محمد عادل إمام عبر حسابه الرسمي بموقع التواصل الاجتماعي «فيسبوك» عن حزنه لحريق لوكيشن تصوير مسلسله الرمضاني «الكينج».

كتب محمد عادل إمام قائلاً: «قدر الله وما شاء فعل، والحمد لله على كل شيء، حريق كبير في لوكيشن تصوير مسلسل الكينج في استوديو مصر، منطقة كاملة معموله على أعلى مستوى، إنتاج ضخم من المنتج الكبير عبد الله أبو الفتوح، وإبداع من مهندس الديكور تامر إسماعيل، ومجهود كبير من أشطر المهندسين والعمال».

إمام يشكر الداخلية والدفاع المدني

أضاف محمد إمام قائلاً: «بس ربنا أراد اللي حصل، والحمد لله فوق كل ده إن الإصابات كانت خفيفة، وكل فريق العمل بخير. شكر كبير لوزارة الداخلية وقوات الدفاع المدني على مجهودهم وسط الحريق الضخم وكميات الخشب والمواد سريعة الاشتعال، شكر خاص للمنتج محمد السيد وفريقه وحوش الإنتاج، اللي دخلوا جوه النار حرفياً علشان يحاولوا ينقذوا أجهزة ومعدات وملابس، ناس بتحب شغلها بجد وبتضحي بنفسها عشانه».

واختتم قائلاً: «أخيراً شكر من كل قلبي لكل الناس والنجوم اللي كلموني واطمأنوا عليّ وعلى فريق العمل، ربنا يديم المحبة ويحفظ الجميع، اللي حصل اختبار صعب في وقت صعب، بس ثقتنا في الله كبيرة، وإن شاء الله مكملين، دعواتكم لينا ولكل فريق عمل مسلسل الكينج، استنونا في رمضان 2026 إن شاء الله».

• محمد إمام
• محمد عادل إمام
• مسلسل الكينج