حورية فرغلي تكشف ندمها على دور قدمته: «ما كانش ينفع يطلعوني بالشكل ده»
حورية فرغلي تكشف ندمها على دور قدمته: «ما كانش ينفع يطلعوني بالشكل ده»
علّقت الفنانة حورية فرغلي على أزمة النجم أحمد السقا، قائلة: «كلنا عارفين محمد صلاح، مش لازم نتكلم ونقول إحنا كلنا محمد صلاح، ويا ريت ما نقعدش نبص لبعض، أنا مش فاهمة ليه الناس بتتخانق، ده رقم واحد في الوطن العربي».
وتابعت فرغلي خلال تصريحات تليفزيونية، أنها قدمت مع الفنان محمد رمضان فيلمي «قلب الأسد» و«عبده موتة»، ومن وقتها لم تلتقِ به، لكنها سعيدة بما وصل إليه، موضحة: «رغم إني ما شاركتش بعد كده في أعمال معاه، ووقتها سألني البعض ليه ما شاركتش معاه في أي عمل، وردّيت إن ما كانش فيه أي دور يناسبني».
وأشارت الفنانة إلى أنه بعد فيلمي «القلب الأسد» و«عبده موتة» لن تكرر تلك الأدوار، موضحة أن محمد رمضان بالنسبة لها مثل أي زميل آخر، مردفة أنها ندمت للغاية عن دورها في فيلم «استدعاء ولي عمرو»، معقبة: «ساعتها كان فيه مشاكل في البلد وضرب وحاجات كتير، وما كنتش ببص لنفسي خالص.. الفيلم ده اتفرجت عليه من شهرين، وقمت كنت عايزة أضرب نفسي مليون جزمة إني عملته، لأن مناخيري كانت بايظة خالص وشكلي كان وحش جدًا، فقلت إزاي وافقت أطلع قدام الكاميرا بالمنظر ده؟ أنا بسيب نفسي للمخرج والماكيير وهو اللي يظبطني، وما كانش ينفع يطلعوني بالشكل ده».
