أول ظهور للإعلامية لميس الحديدي بعد انفصالها عن عمرو أديب.. «ليلة جميلة»
أول ظهور للإعلامية لميس الحديدي بعد انفصالها عن عمرو أديب.. «ليلة جميلة»
خطفت الإعلامية لميس الحديدي الأنظار خلال حضورها مسرحية الست أم كلثوم، وسط حالة من البهجة والسعادة، خاصة أنه الظهور الأول لها بعد إعلان انفصالها عن زوجها الإعلامي عمرو أديب.
وظهرت لميس الحديدي، برفقة مجموعة من أصدقائها خلال حضور مسرحية لأم كلثوم، والتقطت بعض الصور التذكارية ونشرتها عبر حسابها على موقع التواصل الاجتماعي «فيسبوك»، وهو ما تفاعل معه جمهورها ومتابعيها، في الظهور الأول لها بعد إعلان الطلاق خلال الأيام الماضية.
الظهور الأول للإعلامية لميس الحديدي بعد الانفصال
وكتبت: «ليلة جميلة في حب أم كلثوم وحضرة الزعيم والمسرح كامل العدد.. حضرت مسرحية أم كلثوم دايبين في صوت الست من شهر ونص، وانبسطنا جدا لكن دكتور مدحت العدل قالنا إنه عمل تعديلات فيها ودعانا نروح تاني ودي طبيعة وحلاوة المسرح، إنك بتعدل وتحسن وتجوَّد حسب رد فعل الجمهور وتفاعلاته اللي بتشوفها وتحسها كل ليلة».
وتابعت: «أخدنا أصحابنا اللي ماكانوش شافوها قبل كده ورحنا إمبارح والنتيجة 100% انبساط وانبهار لدرجة أن واحدة صاحبتنا قالت فهمت ليه قررتوا تحضروها تاني، أنا كمان عايزة أحضرها تاني.. الحفلة دي تحديدا حضرها السيد عمرو موسى ومحمد سلماوي ومنير عبد النور ورامي إمام اللي دكتور مدحت وصفه أنه ابن الزعيم عادل إمام الذي لا يقل عظمة عن أم كلثوم.. رامي طلع على المسرح وحيا الصناع واحد واحد بالاسم.. من الليالي اللي تخليك تشعر بالفخر ببلدك وفن بلدك خصوصا لما يكون أرش كومبليه يعني مفيش كرسي واحد فاضي».
انفصال لميس الحديدي عن عمرو أديب
وجاء انفصال لميس الحديدي وعمر أديب بعد زواج استمر أكثر من 25 عاما، إذ تزوجا عام 1999، وكانت «لميس» حريصة بشكل دائم على الحديث عن قصة زواجها وارتباطها بـ«عمرو»، خاصة أنها جاءت بعد محاولات عديدة منه، ووصفتها بـ«كنت أحلم أن أتزوج من عمرو أديب ونعيش قصة حب عنيفة».
