محمود سعد ينعى داوود عبد السيد: «شاعر السينما وكتابته وإخراجه روعة»
محمود سعد ينعى داوود عبد السيد: «شاعر السينما وكتابته وإخراجه روعة»
نعى الإعلامي الكبير محمود سعد، المخرج داوود عبد السيد الذي رحل عن عالمنا أمس، في صمت تام، بعدما قرر الابتعاد السنوات الأخيرة من عمره، وامتنع عن الظهور، وقرر اعتزال الفن.
وقال محمود سعد في بث مباشر على صفحته بـ«فيس بوك»: «داوود عبد السيد، شاعر السينما، أنا عرفته من بدري، عرفته في فيلم الصعاليك، وحضرت تصوير الكتير من أفلامه، وداوود، كان بيكتب بروعة زي ما بيخرج بروعة، وليه أفلام بديعة كتير، وكان بيطلع دايمًا من الممثلين حاجة جديدة، زي فاتن حمامة في فيلم أرض الأحلام».
وأضاف: «داوود عبد السيد كان مخرج عظيم وكادراته والصورة هايلة، مفيش شكل لو كان في ظروف سينمائية أفضل من كده، كانوا خدوا أوسكار، كان عنده مهارات فائقة».
وتابع: «أتمنى داوود يكون في مكان أحسن من مكاننا، لأننا ولو هنتكلم بصراحة، أغلقنا عليه أحلامه، لأنه مخرج نادر، ومؤلف شاعر، كان بيشتغل على كل تفصيلة كويس، لكننا مقدرناش الراجل ده كويس، لو كنا أدينا له فرصة، كان ممكن يقدم لنا حاجات كتير حلوة».
وأكمل محمود سعد: «داوود عبد السيد مكانش عايز حاجة، كان عايز يعمل فن جميل يمتعنا بيه، ومكانش ليه في الفلوس، ولا بتهمه خالص، لكن أفلامه اللي عدى عليها يمكن 30 سنة او اكتر لكنها عايشة مع الناس».
