كشف مفاجأة جديدة.. أول تعليق من الجزار على فيديو إطعام الكلب
كشف مفاجأة جديدة.. أول تعليق من الجزار على فيديو إطعام الكلب
مشهد إنساني خطف قلوب الجميع على مواقع التواصل الاجتماعي بعد انتشاره، بطله رجل خمسيني ظهر وهو يجلس على كرسيه داخل محل الجزارة الخاص به وفجأة يسلم على الكلب ويطعمه، لحظات جسدت مقولة «الراحمون يرحمهم الله».
كواليس الفيديو
الحاج «غريب علي» الشهير بـ«غريب الجزار»، صاحب الـ53 عاما ومن منطقة إمبابة بمحافظة القاهرة، يروي لـ«الوطن» كواليس الفيديو الذي ظهر خلاله وهو يطعم الكلب داخل محله قائلا: «الكلب ده كل يوم بييجي المحل وبحط ليه الأكل، هو و25 كلب تانيين، واتعودوا عليا عشان كده بييجوا وهما مطمنين».
يوميا يحرص الحج «غريب» على تقديم الطعام للكلب ومجموعة من الكلاب الأخرى، ليس ذلك فقط بل أيضا يشتري بواقي الفراخ لهم حتى يتمكنوا من الشبع: «أنا كل يوم بحط ليهم بواقي اللحمة اللي بتكون وفي أيام البواقي بس مش بتكفيهم بروح أشتري ليهم رجول الفراخ وأجنحة عشان أكلهم».
إطعام كلاب الشارع
لم يكن الحج غريب يتوقع انتشار الفيديو الذي ظهر خلاله وهو يطعم الكلب: «الكلب ده ليه معزَّة خاصة عندي ودايما بقدم ليه أحسن أكل عشان هو كمان عنده إعاقة ومكنتش متخيل أني الفيديو ينتشر كده عشان دي مش أول مرة أنزل فيديو ليا وأنا بأكل الكلاب بتاعة المنطقة»، مشيرا إلى أنه لم يطعم الكلاب بمفرده بل في حال غياب يقوم نجله بإطعامهم: «لما مش بنزل الشغل بخلي ابني يأكلهم وبوصيه أنه يقدم ليهم كل حاجة وكله ثواب عند ربنا».
يمتلك الحج غريب محل الجزارة منذ 25 عاما في منطقة إمبابة: «أنا طول عمري شغال في الجزارة والمحل ده مشتريه من 25 سنة ومن وقتها وأنا دايما بأكل الحيوانات الأليفة لما بتيجي عندي في المحل».
