خبير تنمية موارد بشرية: التوازن بين المقاومة والحفاظ على النفس سر النجاح في الحياة
خبير تنمية موارد بشرية: التوازن بين المقاومة والحفاظ على النفس سر النجاح في الحياة
أكد الدكتور طاهر نصر، المحاضر وخبير إدارة وتنمية الموارد البشرية، أن الإنسان في حياته اليومية يواجه تحديات تتطلب منه التوازن بين المقاومة والحفاظ على النفس، قائلًا: «المفروض اعمل الاتنين مع بعض، أقاوم واحافظ على النفس، لازم احافظ على حتة الحالة النفسية عندي».
ما هي شروط الحياة؟
وأضاف «نصر»، خلال لقاء مع الإعلامية عزة مصطفى، ببرنامج «الساعة 6»، عبر شاشة «الحياة»،: «مش كل مقاومة صحيحة، الحياة لها شروط، حياتنا دي ليها شروط عشان تعيش فيها، إنك تواجه الحاجات اللي بتقابلك وتقاوم، لكن في فرق ما بين إنك بتقاوم بقلبك وعقلك ، وفي فرق إن القرار في الحياة يكون قرار أخدته بعقلك».
وتابع خبير تنمية الموارد البشرية، : «أنا عندي نجاح بعيد، هقاوم عشان أوصل له، في علاقة عايز أخرج منها، هقاوم عشان أخرج منها، بس ما تجيش على نفسك، ما تأذيش نفسك»، موضحًا أن الحياة تحتاج مقاومة وتحارب وتواجه وتعمل، ولابد من إحداث توازن بين المقاومة والمواجهة والعمل والهدوء والاستقرار، من أجل الوصول لنهاية الرحلة.
