«اختبار الدنيا مش سهل».. رسالة مؤثرة من لقاء الخميسي بعد أنباء طلاق زوجها

شاركت الفنانة لقاء الخميسي، عبر حسابها عبر ستوري موقع تبادل الفيديوهات والصور انستجرام، منشورا عبرت فيه عن ضغوط الحياة وتقلباتها.

وقالت لقاء الخميسي: «دائمًا وأبدًا الدنيا بتختبرنا وبتضغط علينا وبتغير حياتنا من حين لآخر وبتلخبطنا ساعات بنحقق أحلامنا وساعات بنتوه في الزحمة وبنتنسى».

وتابعت لقاء: «بنقابل ناس نحبهم، وناس مش بتستلطفنا، وناس بتحاربنا، وناس تانية بتطبطب على قلوبنا، وناس بتحاول تكسرنا لأنهم في الأصل مكسورين ومش عارفين يصدقوا نفسهم حتى وهم ناجحين».

وأضافت: «اختبار الدنيا مش سهل، بالعكس ده محتاج صبر ونفس طويل عشان في آخر الطريق نعرف إحنا موجودين ليه، ونتعلم ما نأذيش حد حتى لو هو قرر يضايقنا لأن السماحة ليها قيمة كبيرة».

واختتمت لقاء الخميسي: «في النهاية إحنا هنا علشان نحب ونفكر ونتعلم، ومع آخر الطريق هنعرف حكمة وجود كل إنسان فينا».

• لقاء الخميسي
• الفنانة لقاء الخميسي
• عبدالمنصف