محمد دياب يحسم الجدل ويوضح حقيقة تصريحاته عن هشام ماجد: «هزار رخم»

حسم المخرج محمد دياب الجدل الذي أُثير خلال الأيام الماضية حول تصريحاته المتداولة عن الفنان هشام ماجد، وذلك بعدما نشر فيديو عبر صفحته الرسمية على مواقع التواصل الاجتماعي، قدّم فيه توضيحًا كاملًا لما حدث وكشف كواليس الموقف.

محمد دياب يحسم جدل تصريحاته عن هشام ماجد

وقال محمد دياب في الفيديو: «من كام يوم كنت في انترفيو مع هشام ماجد، واللي الناس متعرفهوش إني علاقتنا قوية لدرجة إني إحنا بنهرج مع بعض تهريج رخم بينا وبين بعض، بس أنا في محاولة بائسة إني أبقي كوميديان قررت إني اطلع الهزار الرخم ده قدام الكاميرات».

وأضاف دياب: «الناس زعلت طبعا، ولما فكرت فيها أنا مش عارف هرجت إزاي كده قدام الكاميرا، وفي نفس الوقت اتبسط شوية لأني هشام ده أخويا وأنا طول الوقت بشجعه ومبسوط أوي أني الجمهور بتاعه بيجبه أوي بالشكل ده».

وأكد المخرج محمد دياب على تقديره الكبير لهشام ماجد، سواء على المستوى الفني أو الإنساني، موضحًا: «واللي الناس تعرفه أني هشام ممثل عظيم، ولكن اللي متعرفهوش إني هشام إنسان عظيم»

وتابع: «طريقة تهريجنا الشخصية دي بتبقي جاية أننا نقول حاجات مش موجودة في الواقع، وهشام نجم بقاله 15 سنة، وأشغال شقة هيبقي له طعم وعنوان لو هشام مش موجود فيه».

محمد دياب يعطي نصيحة لنفسه

واختتم محمد دياب حديثه برسالة مباشرة، قائلاً: «وبعدين أنا بهرج على مشاريع مش مشاريعي، أنا راجل بعمل جد، الدرس المستفاد اللي زي يخلي في الحاجات الجد، ويسيب الهزار للناس بتاعت الهزار».

ويأتي هذا التوضيح من محمد دياب بعد حالة من الجدل الواسع على مواقع التواصل الاجتماعي، حيث اعتبر البعض تصريحاته تقليلًا من هشام ماجد.

• هشام ماجد
• محمد دياب
• أشغال شقة