رانيا فريد شوقي تنعى كلبها بكلمات مؤثرة: «كان فرد من العيلة»
رانيا فريد شوقي تنعى كلبها بكلمات مؤثرة: «كان فرد من العيلة»
أعلنت الفنانة رانيا فريد شوقي عن وفاة كلبها أوركا، مشيرة إلى أنه لم يكن كلبًا عاديًا بل تعتبره فردًا من أفراد عائلتها.
رانيا فريد شوقي تنعي كلبها بكلمات مؤثرة : كان فرد من العيلة
وشاركت رانيا فريد شوقي عبر صفحتها الرسمية على فيسبوك صورة لكلبها، وعلقت: "أوركا مش كلب عادي .. ده كان فرد من العيلة .. لما فريد ابن عبير سافر يدرس بره اشتراه عشان يبقى الونس في الغربة .. ومع الوقت بقى ابنه وصاحبه ..وأوفى مخلوق وحوطه بكل الحب .. وإحنا كلنا اتعلقنا بيه .. أصل إحنا عيلة كلباجية .. ولما بنتكلم عنهم بنقول ابننا".
كلمات مؤثرة لكلب رانيا فريد شوقي
وأضافت: "كان دايمًا يحب يقعد تحت رجلين ماما .. كأنه فاهم مصدر الحنية فين .. ولما سافرنا قريب استقبلنا بفرحة كبيرة .. رغم إن بقاله فترة ما شفناش .. الوفا نادر سبحان الله كأنه كان بيودّعنا".
وتابعت حديثها: "النهارده أوركا اتوفى .. ومشي معاه عشر سنين حب وضحك وذكريات عمر .. من أصعب المشاعر الفراق .. قلبي معاك يا فريد .. شكرًا يا أوركا على حبك ووفائك وحمايتك لفريد .. هتوحشنا".
