رانيا فريد شوقي تكشف سبب اعتذارها عن مسلسل يتربى في عزو.. الفخراني أقنعها
رانيا فريد شوقي تكشف سبب اعتذارها عن مسلسل يتربى في عزو.. الفخراني أقنعها
كشفت الفنانة رانيا فريد شوقي تفاصيل مشاركتها في مسلسل «يتربى في عزو» بطولة الفنان يحيى الفخراني، وكتبت عبر حسابها الرسمي على «إنستجرام»: «كنت مرعوبة أول ما اتعرض عليا دور (إيناس) في يتربى في عزو، خفت أعمله، واعتذرت فعلاً، لحد ما الدكتور يحيى كلمني بنفسه وقاللي: إنتي اعتذرتي؟ قلت له: آه، خوفت، قاللي: ما تخافيش، الدور حلو وهيفرق معاكي، وفعلًا، من أنجح الأدوار اللي عملتها وساب علامة».
حكايات من كواليس مسلسل «يتربى في عزو»
أضافت رانيا فريد شوقي: «خليني أحكيلكم من الكواليس، كان في مشهد في شرم الشيخ، المفروض إن أنا مراته، وراح بيا نسهر،
وإيناس أصلاً كانت ناوية تتلكك على أي خناقة عشان تسيبه وتخلع، وفي مكان السهرة، لقينا رقاصة بتتدلع على حمادة، ويا دوب لقيت إيناس بتزغر للرقاصة، ولحمادة وضاربة بوز وعينيها بتطلع شرار!، أتاريهم كانوا يعرفوا بعض».
واختتمت: «إيناس قلبتها نكد، سبته ومشيت! وإحنا بنعمل بروفة المشهد فجأة لقيت يحيى الفخراني بيضحك أوي!، قولتله: في إيه؟، قاللي:الله يكون في عون اللي هيتجوزك، ده مش تمثيل».
