لقاء الخميسي تعلن تصالحها مع زوجها محمد عبدالمنصف وتوجه رسالة للستات: اوعي تديهم الفرصة |عاجل
لقاء الخميسي تعلن تصالحها مع زوجها محمد عبدالمنصف وتوجه رسالة للستات: اوعي تديهم الفرصة |عاجل
نشرت الفنانة لقاء الخميسي مقطع فيديو جديدًا عبر حسابها الرسمي على مواقع التواصل الاجتماعي، ظهرت خلاله برفقة زوجها الكابتن محمد عبد المنصف وأولادهما، وذلك في أول رد منها على الجدل المثار مؤخرًا حول زواج زوجها من الفنانة إيمان الزيدي.
لقاء الخميسي تسامح زوجها
وأرفقت لقاء الخميسي الفيديو بتعليق مطول، قالت فيه: «الدنيا بتختيرنا دايماً وأبداً، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا، الحكمة بتظهر من قلب الحزن، وبنقعد نفكر ايه الصح وايه الغلط وهل اللي عدينا بيه شر ولا خير، ومع الوقت، ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط! وفي ناس بتغلط وترجع لحكمتها ويتندم وتصحح الخطأ».
وأضافت: «خطائين وخير الخطائين التوابين، مفيش حد مبيغلطش، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح».
ووجهت لقاء الخميسي الشكر لكل من دعمها، قائلة: «شكرا من قلبي لكل إنسان دعمني ووقف جنبي وطبطب عليا، وشكرا لكل أصدقائي المقربين اللي وفقوا جنبي، وكل من دعمني من ـصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة».
لقاء الخميسي توجه نصيحة
وتابعت لقاء الخميسي في ختام رسالتها: «آخر حاجة هقولها، أسهل حاجة في الدنيا هدم البيوت العمرانة، وأقوى حاجة في الدنيا إننا نحافظ على حياتنا ونحارب على بيوتنا واولادنا بالحب والسلام، كلنا بنغلط، وبنندم ونرجع لصوابنا، ونرجع ببداية جديدة مليانة شغف وحب وسلام وراحة».
ووجهت رسالة مباشرة قائلة: «لكل ست وربة منزل حافظي على بيتك وعيلتك بكل قواكي، وأوعي تدي الفرصة لأي انسان إنه يهدم بيت العيلة، بحبكم من كل قلبي أصدقائي وعيلتي الكبيرة».
