لميس الحديدي: احتضان الرئيس السيسي لنجل الشهيد رامي هلال حضن أب لابنه
لميس الحديدي: احتضان الرئيس السيسي لنجل الشهيد رامي هلال حضن أب لابنه
علقت الإعلامية لميس الحديدي على مشهد احتضان السيد الرئيس عبد الفتاح السيسي لنجل الشهيد العقيد رامي هلال، والتقاطه صورة تذكارية مع أسرته خلال احتفالية عيد الشرطة الرابع والسبعين، قائلة: «مشهد ابن الشهيد رامي، الحضن ده أثّر فيا جدًا، وواضح أنه كان عنده ثلاثة أبناء، منهم الطفل الصغير».
وتابعت لميس الحديدي خلال برنامجها «الصورة»، المذاع على شاشة النهار: «إحنا أحيانًا بننسى إحنا ليه في أمان؟ وإحنا عشنا الأيام دي من 2011 ومرحلة التصاعد بعد 2013، عندما اختار الشعب رحيل الإخوان، وكان عارف إن الاختيار ده جاي بدم، لأنهم ما كانوش هيمشوا لوحدهم ورفضوا ذلك، وبدأوا الاعتداء، وبدأ الإرهاب».
واصلت: «هذه اللقطة لنجل الشهيد رامي هلال وأسرته، الحضن اللي حضنه له السيد الرئيس عبد الفتاح السيسي، وكأنه يفتقد حضن أبوه، حضن رهيب ومؤثر، حضن الطفل المحتاج لأبوه، والرئيس حضنه كأنه بيحضن ابنه».
وأضافت: «والد الطفل ضحّى بحياته عشان إحنا نعيش بأمان، وساب ولاده علشان إحنا نعيش مطمنين، وأكيد الطفل ده كان أصغر بكتير في عام 2019 عندما استُشهد، كان طفل لا يتجاوز السبع سنوات، والطفل ده محتاج لحضن الأب، وحضن الرئيس له كان حضن أب لابنه قبل ما يكون حضن رئيس جمهورية».
