«هل الست نكدية بطبعها؟».. حجازي متقال يُجيب في «ست ستات»
«هل الست نكدية بطبعها؟».. حجازي متقال يُجيب في «ست ستات»
رد الفنان حجازي متقال على سؤال الإعلامية سالي شاهين، «هل الست نكدية؟»، أجاب: «آه، هي في طبعها كده، أي حاجة تحصل هتعمل مشكلة في البيت؛ ولد كلمها، بنت عملت كده، صاحبتها في التليفون.. أي موضوع صغير ممكن يتضخم».
وعن دور الرجل في تهدئة الأمور، أشار خلال استضافته في برنامج «ست ستات»، المذاع على قناة dmc، وتقدمه الإعلامية سالي شاهين، «هو المفروض يهدّيها، لكن في أوقات بيكون الرجل جاي من الشغل ومتضايق أو عنده ضغوط، فمش هيعرف ينظم الموقف بره وجوه، فالمعادلة صعبة شوية، لكن الرجل الصح ممكن يمسك الاتنين».
وتطرق متقال للزواج والفرح، قائلاً: «أحيانًا يكون الفرح مجرد بداية للحياة كلها فرح، وفي أحيان أخرى الناس تتزوج لأسباب خارجية، زي ضغط المجتمع أو طول فترة الخطوبة، فيتحول الفرح إلى مشاكل، وده بيخليني أسأل: إذا كانت هناك كل هذه التعقيدات، ليه نتزوج؟».
وعندما سألته المذيعة عن سبب الزواج في هذه الحالات، رد مبتسمًا: «أنا بسأل السؤال ده.. بصراحة، معرفش ليه».
