طارق الجنايني: هند صبري نجمة كبيرة ومثال في الثقافة والهدوء والالتزام

قال المنتج طارق الجنايني، إنّ الفنانة هند صبري أول من آمن به في الصناعة بعد دخوله مجال الإنتاج، في وقت كانت فيه نجمة كبيرة لها اسمها في عالم الفن، وتتمنى كثير من الشركات العمل معها.

وأضاف الجنايني في منشور عبر فيس بوك: «أول برنامج كبير أنتجته كان برنامج الشقة اللي قدمته هند صبري، وكان فكرتها، وأول مسلسل أنتجته كان عايزة أتجوز، وبرضو هي اللي اقترحت عليا الفكرة لما قرت الكتاب بتاع غادة عبدالعال، وعملنا مع بعض مسلسلات ڤيرتيجو وإمبراطورية مين؟».

وأكمل: «أنا وهند مشتغلناش مع بعض بقالنا حوالي 10 سنين، بس ده عمره ما فرق في الود والاحترام والصداقة الحقيقية، هند حقيقي مثال يحتذى بيه في الثقافة والهدوء والالتزام والاحترافية، وأي حد أشتغل معاها في 20 سنة اللي فاتت يشهد بذلك».

• هند صبري
• طارق الجنايني