خبير تنمية بشرية: اتكلم مع ربنا بعشم وهيحقق كل اللي بتتمناه

كتب: أحمد إبراهيم

وجه الدكتور طاهر نصر، خبير تنمية الموارد البشرية، عددا من النصائح للمواطنين بالتزامن مع اقتراب دخول شهر رمضان، موضحًا أن النصيحة الأولى هي كسر الجدار بين العبد وربه، قائلًا: «نتكلم مع ربنا ونعطي مساحة لفتح كلام مع ربنا من خلال الدعاء إلى الله، المواطن اللي بيكسر الجدار اللي بينه وبين ربنا بيبقى متطمن ومش خايف».

شهر رمضان فرصة للتقرب إلى الله

وشدد خلال لقائه مع الإعلامية عزة مصطفى، ببرنامج «الساعة 6» على قناة «الحياة»، على أنه لا بد من رفع أيدينا إلى الله بالدعاء والإلحاح في الطلب والاستمرار في العبادة، مضيفًا: «لازم نكلم ربنا، وأكتر حاجة في الدنيا تضايق أي بني آدم أنه يكون مش مطمن وخايف من كل حاجة، والبني آدم اللي بيكلم ربنا وبيطلب منه وبيتكلم معاه يشعر بحالة اطمئنان، ربنا كريم وشهر رمضان هو مساحة للحديث والتقرب إلى الله، وفرصة لا يضمن أحد على تكرارها».

وتابع: «اتكلم مع ربنا بعشم وهيحقق كل ما تتمناه، فكرة أنه يكون عندنا إيمان أن كل ما يحدث في حياتنا هو تدبير من ربنا، هو أمر جيد، ولا بد أن ننظر للأمام بأن الله يرتب كل شيء، ويجب التخلي عن صفة الندم على كل ما حدث»، موضحًا أن سعادة أو حزن أو شقاء المواطنين يعتمد بشكل كبير على تفسيره لكل ما حدث معه.

• شهر رمضان
• الدعاء
• المواطنين