بعد انتهاء أزمتهما.. لقاء الخميسي تكشف تفاصيل أول لقاء مع محمد عبد المنصف

كشفت الفنانة لقاء الخميسي، تفاصيل أول لقاء جمعها بزوجها حارس الزمالك السابق محمد عبد المنصف بعد انتهاء أزمتهما الزوجية قائلة: «أول ما دخل البيت أخذ نفس عميق وقال بيتي واحشني وعيالي واحشتني وأنتى وحشتنيني وهو فاهم أن ده بيته ولازم يحس الاحساس ده».

تعرفت على طليقة زوجها في مناسبة سابقة

وأضافت لقاء الخميسي، خلال حوارها ببرنامج «أسرار»، مع الإعلامية أميرة بدر، المذاع على قناة «النهار»، أن زوجها محمد عبد المنصف بدأ معهم السنة الجديدة من أولها، متابعة: «دي كانت سنة جديدة وبداية جديدة»، «مش فاهمه فكرة الستات اللى بتأذي بعضها والبنت سبب الأزمة الأزوجية شافتني قبل كده وتعرفني وشافتني في مناسبة عند ناس أصحابي وكانت موجودة وتعرفت عليه في المناسبة»، وقاطعتها الاعلامية أميرة بدر مازحة: «عشان كده بنقعد حطين عنينا في وسط راسنا».

محمد عبد المنصف يعترف لها بحبه

وأضافت لقاء الخميسي «لو كنتي أنتى الست الرئيسية في حياته مكنتيش هتقبلي أدخل وليه أدمر بيت وأخد واحد من بيته واللى بيحصل ده مرض في الدماغ»، وأكدت: «المشكلة عند الست سبب المشكلة مش عندي أنا وهي لا تعنيني في شي»، وكشفت لقاء الخميسي عن تفاصيل مصارحة زوجها لها واعتذاره قائلة «هو قالي أنا بحبك واسف وأنا كان عندي شك في الحب ده لاني محتاجة اعرف عمل كده ليه؟ لان في ناس بتزهق وهو قالي بحبك وآسف وأنا مش عايز أعرف حاجة عن الطرف الثاني وهو قالي أنتى ام ولادي وعشرتي وبحبك ولما بنسمع كلام حلو بنهدى لكنى ما زلت في مرحلة التعافي».

• لقاء الخميسي
• الفنانة لقاء الخميسي
• الإعلامية أميرة بدر