ناقد فني يشيد بـ«عين سحرية»: أمتع مسلسل في النصف الأول من رمضان

أشاد الناقد الفني أندرو محسن بمسلسل عين سحرية والذي يعرض ضمن قائمة السباق الرمضاني.

وكتب محسن، عبر حسابه الرسمي بموقع التواصل الاجتماعي «فيسبوك»: «مسلسل عين سحرية، هو أمتع مسلسل في النص الأول من رمضان وأكتر واحد بستنى حلقاته، التمثيل والتفاهم بين باسم سمرة وعصام عمر ممتاز سواء في مشاهدهم لوحدهم أو مع بعض، الكتابة في المسلسل حلوه ومشوقة، يمكن مشكلتي معاها بس إن فيه خطوط غامضة أكتر من اللازم وحلول لمواقف بتحصل بسرعة زيادة، بس ده مش مأثر على استمتاعي بالمسلسل».

وأضاف محسن: «أكتر حاجتين عجبوني في الكتابة تحديدا، السؤال الأخلاقي بتاع معاقبة الفاسدين بطرق ملتوية وغير أخلاقية طالما مافيش حلول تانية متاحة، والماضي الخاص بشخصية زكي (باسم سمرة) اللي بنكتشفه بشكل تدريجي كل حلقة ورا التانيه، واللي بيساهم أكتر في السؤال اللي قبله، هل هو بيعمل ده للتطهر من أخطائه أو للانتقام؟ مزج ده بالتشويق الحاضر في كل حلقة مخليين المسلسل ممتع وفارق عن منافسيه بشكل واضح».

واختتم: «المسلسل فكرة لانا الجندي، معالجة وسيناريو وحوار هشام هلال وشارك في السيناريو محمد حسن عبد العليم».

• باسم سمرا
• دراما المتحدة
• دراما رمضان
• عبن سحرية
• عين سحرية