ناقد فني يشيد بـ«عين سحرية»: من المسلسلات اللي ممكن أرجع أشوفها تاني عادي

أشاد الناقد الفني أندرو محسن عبر حسابه الرسمي بموقع التواصل الاجتماعي «فيسبوك»، بمسلسل عين سحرية بطولة باسم سمرة وعصام عمر.

إشادة بمسلسل عين سحرية

وكتب أندرو محسن: «مسلسل قايم بالأساس على التشويق وفكرة الانتقام في عين سحرية كان ممكن جدًا ينتهي مع الحلقة الأخيرة، وحل أزمة الشخصيات، لكن اللي عمله السدير مسعود والفريق كله هو إنه عمل مسلسل جميل على بعضه، مش بس لأنه مشوق أو فيه ممثلين شاطرين أو حوارات حلوة، لكن لأنه كله على بعضه معمول باهتمام وفيه مجهود في كل التفاصيل لحد آخر حلقة».

وأضاف: «دا من المسلسلات اللي ممكن أرجع أشوفها تاني عادي، رغم إني عرفت نهايته بس هحب أشوف مشاهد بعينها، وأشوف أداء باسم سمرة وعصام عمر ومحمد علاء واستمتع بيه، وأفكر في الحلقة الأخيرة مرة كمان.. أنا حبيت نهاية المسلسل، لأني كنت قلقان إن الخير ينتصر وكل حاجه تبقى وردية».

واختتم منشوره قائلا: «اللي هما عملوه نهاية شبه مفتوحة وواقعية إلى حد كبير، ودي من مميزات سيناريو المسلسل كمان، إنه فيه شوية جرأة في الحديث عن مشاكل الواقع أصبحت مش موجوده خالص في المسلسلات، أكيد فيه حاجات كنت شايف ممكن تبقى أحسن مأثرتش بشكل كبير على النتيجة النهائية، برافو لكل اللي شاركوا في المسلسل».

أبطال مسلسل عين سحرية

يشارك في بطولة مسلسل عين سحرية عصام عمر وباسم سمرة ومحمد علاء وسما إبراهيم وجنا الأشقر، والعمل من تأليف هشام هلال، وإخراج سدير مسعود.

• دراما المتحدة
• دراما رمضان
• فاتن سعيد
• عين سحرية