رحمة أحمد: محمد هنيدي بيضحكني.. وكان حلم حياتي أشتغل معاه

قالت الفنانة رحمة أحمد إن العمل مع الفنان محمد هنيدي كان حلم حياتها، مشيرة إلى إعجابها بـ«خفة دمه» وطريقته في التعامل على خشبة المسرح، قائلة: «اشتغلت معاه حبيب قلبي، سواء في فيلم (نبيل الجميل) أو مسرحية (تاجر السعادة)، أنا بحب محمد هنيدي لما بيفتح بقه، مجرد ما بيعمل كده بيضحكني».

رحمة أحمد: الشغل مع محمد هنيدي كان حلم

وأوضحت رحمة أحمد خلال لقاء مع الإعلامية أسما إبراهيم، في برنامج «حبر سري» عبر شاشة «القاهرة والناس»، أن من أحلامها أن تشارك في عمل معه، مضيفًا: «وفعلاً ربنا حققلي الحلم واشتغلت معاه، وده حاجة مش هينة خالص، أنا بحب أتكلم عن نفسي غالبًا، وكل وقت في رحلة الفنان ليه شكل معين أو حاجة معينة».

هنيدي لا يفرض طريقة معينة على الممثلين

وأضافت رحمة: «اشتغلت كمان مع أحمد حلمي، وبرضه فيه ورق ممكن يظلم الممثل، ظروف الإنتاج والمخرج لهم دور كبير، لكن الفنان يظل عنصر مهم في نجاح أي مشروع»، مؤكدة أنه رغم نجومية محمد هنيدي لا يفرض طريقة معينة على الممثلين.

وتابعت: «في آخر عمل لي مع هنيدي، المخرج هو اللي كان بيوجهنا، هنيدي ممكن يقترح، لكن مكانش بيقول لي بالضبط أعمل كده، كممثلة، ممكن أروح للمخرج وأقول أنا عايزة أعمل حاجة بطريقة وشكل ما، وده شيء طبيعي لكل الممثلين».

• الفنانة رحمة أحمد
• حبر سري
• القاهرة والناس