محمد نور: «اللي بيحصل في المنطقة ممكن يوصل النفط لـ150 دولار.. مستغرب ليه البنزين غلي 3 جنيهات!»

قال محمد نور، صانع محتوى، إن «سعر برميل النفط زاد حوالي 40 دولار، وممكن يوصل لـ 150 دولار لو التصعيد استمر».

وأضاف عبر صفحته على فيسبوك أن «سلاسل الإمداد والتوريد للسلع الأساسية اتأثرت بشكل كبير ووصل التعطيل فيها لحوالي 40%»، مشيرًا إلى إن قطر، واحدة من أكبر موردي الغاز في العالم، قفلت بعض الحقول، وفي نفس الوقت الكويت والإمارات والبحرين قللوا إنتاج النفط بشكل ملحوظ.

تعطيل حقول النفط في العالم

وأوضح: «كمان إن حقول النفط في السعودية تتعرض لهجمات متكررة، ومع استمرار التصعيد ممكن مضيق باب المندب يتقفل، وده هيأثر على حركة الملاحة وقد ينعكس على قناة السويس».

وأشار إن المنطقة حاليًا فيها صواريخ ومسيرات وهجمات على البنية التحتية، مع سقوط ضحايا يوميًا في بعض دول الخليج، وفي نفس الوقت فرنسا بتحرك أسطولها البحري وسط كلام عن احتمال دخول دول غربية تانية في الصراع.

واختتم كلامه بسؤال ساخر: «أنا مش فاهم بصراحة.. ليه الحكومة غلت البنزين 3 جنيه!»

• النفط