السوشيال ميديا تفتقر للأخلاق.. نيللي كريم تكشف موقفها من عمليات التجميل والذكاء الاصطناعي
السوشيال ميديا تفتقر للأخلاق.. نيللي كريم تكشف موقفها من عمليات التجميل والذكاء الاصطناعي
توالت الأسرار التى كشفت عنها الفنانة نيللي كريم ضمن ظهورها ضيفة على إحدى حلقات برنامج «السلم والثعبان » مع الإعلامية ندى الشيباني.
نيللي كريم تكشف كواليس لقب «صوت مصر» لـ شيرين عبد الوهاب
فتحت صندوق الرمادي وتطرقت نيللي كريم إلى أزمة تصوير الفنانين في المواقف الخاصة وانتشارها عبر مواقع التواصل، كما حدث مع بعض الفنانات مثل ريهام عبد الغفور ولبلبة وإلهام شاهين مؤكدة: «للأسف السوشيال ميديا بتفتح باب رهيب وبيبقى الفنان أو حتى شخص طبيعي مفيش خصوصية في الموضوع، غصب عنك متقدريش تعملي كنترول، وللأسف فيه ناس معندهاش ضمير ولا عندها دين ولا أخلاق وده عكس اللي إحنا اتربينا عليه».
وأضافت: «كمان دخول الذكاء الاصطناعي مبقيتيش تعرفي ده حقيقي ولا لأ، وبقى صعب تحمي نفسك، وأنا بقيت مبروحش غير الحاجات المهمة قوي في الإيفنتات، لأن فعلًا متعرفيش اللي طالعلك بتليفون بيصور إيه ومن أي زاوية، وأنا شايفة القانون يحاسب الناس على الحاجات دي، ده الصح لازم يتحاسبوا».
أما في صندوق ساعات ساعات وجهت ندي الشيباني سؤالا عن استخدامها لقب «صوت مصر» للفنانة شيرين عبد الوهاب في مسلسل «أخواتي»، أوضحت أن القرار جاء من المخرج، قائلة: «من المخرج، بس طبعًا كلنا بنعشق شيرين عبد الوهاب».
وعندما سألتها ندى الشيباني ما إذا كانت تخشى غضب أنغام، ردّت: «أعشق أنغام وهي أكبر من ذلك، وهي مثلت وعارفة يعني إيه سكربت وعارفة الحدوتة بتحكي ده».
وعن مدى تأثرها بالتعليقات، أكدت: «مش بتشغلني خالص، نادرًا لما أنزل في الكومنتات وأقعد أقرأ، الحاجات الحلوة بتبان والوحشة بفوتها، لأن لو ركزت مع تعليقات الناس أنا شخص حساس بطبعي، ليه حد يكتب كومنت سخيف فبسببه مودي يبوظ أو أتأثر؟ مين دول؟».
نيللي تدخل صندوق التروما
أما في صندوق التروما تحدثت نيللي عن تجربة الاكتئاب في حياتها ، قالت: «أكيد عشتها الفنانين أكتر ناس بيكتئبوا، حساسين زيادة عن اللزوم وبيتحطوا في مواقف تجبلهم الاكتئاب، بس زمان كنت أعيش الحالة، دلوقتي لا، مبحبش لا اكتئاب ولا تروما، أشتغل وأساعد نفسي وعلمت نفسي».
وفي صندوق الحنين تم توجيه سؤال لها عن الفنانين من الجيل الجديد الذين تحب العمل معهم، قالت: «بحبهم كلهم، وآخر فيلم عملته مع أمير المصري، والبنات بحب سلمى أبو ضيف وهدى المفتي وياسمينا العبد، بحبها قوي والمميز فيها بتغني وبترقص».
وعندما سألتها ندى الشيباني ما إذا كانت تذكّرها بنفسها في بداياتها، أجابت: «أكيد ممكن علشان حتة الاستعراض والغنا، بنت موهوبة جدًا».
أما في صندوق الشغف كشفت نيللي كريم عن شغف خفي لديها بعيدًا عن التمثيل، قائلة بأنها تحب الخياطة والأعمال اليدوية وكانت بالفعل تصمم فساتين ترتديها في بدايتها.
