الحلقة 13 من مسلسل أب ولكن.. مواجهة حاسمة بين أدهم ونبيلة في المحكمة بشأن حضانة نور
الحلقة 13 من مسلسل أب ولكن.. مواجهة حاسمة بين أدهم ونبيلة في المحكمة بشأن حضانة نور
شهدت الحلقة 13 من مسلسل أب ولكن، مواجهة قوية بين أدهم «محمد فراج» ونبيلة «هاجر أحمد» في المحكمة، إذ سألت المستشارة أدهم عن سبب تصاعد الأزمة إلى هذا الحد، فأوضح أن السبب يعود إلى طلبات نبيلة التي كانت تعجزه مثل رغبتها في شقة جديدة وشبكة ومهر، رغم علمها بعدم قدرته على ذلك بعد خروجه من السجن.
مواجهة في المحكمة
وأوضح فراج: «نبيلة شخصيتها ضعيفة وده اللي اكتشفته بعد الجواز، كانت ريموت كونترول في إيد والدتها كرهت بنتي فيا وعملت حاجات محدش يتوقعها وأكبر دليل أني مش عايز أأذيها وسبت لها الشقة بتاعت أبويا مع أني قادر أطلعهم، لكن رفضت علشان بنتي متتأذيش وتتبهدل في تربيتها، رفضت ألاعيب وطرق المحامين عشان الحضانة عشان نفسية بنتي».
نور تقف في صف والدها
وعند استجواب نور في المحكمة عن شعورها تجاه والدها قالت: «أنا بحب بابا وعايزه أبقى معاه بس خايفة ماما تعاقبني»، أما نبيلة فقالت إنها مسؤولة عنها مسؤولية كاملة وتعمل بشكل متواصل من أجلها: «مقدرش أسيب بنتي مش هحرمها بس لما تكبر شوية وتستوعب مقدرش أسيبها وأضيع حياتها في وقت فراغه عشان يتبسط معاها شوية، أنا مش هحرمها بس من حقي تبقى معايا عشان أنا بتمرمط في الشوارع عشانها».
