مصطفى حدوتة يرد على منتقديه بعد نجاح ألبوم عمرو دياب: «أنا أكتر شاعر اشتغل مع الهضبة»
مصطفى حدوتة يرد على منتقديه بعد نجاح ألبوم عمرو دياب: «أنا أكتر شاعر اشتغل مع الهضبة»
أكد الشاعر مصطفى حدوتة أنه يواصل يركز في عمله لتحقيق نجاحات، مشيرًا إلى أن الهجوم الذي تعرض له مؤخرًا، بشأن مشاركته العمل بأغاني مع عمرو دياب وتامر حسني، لن يؤثر على مسيرته الفنية.
مصطفى حدوتة يرد على منتقديه
وقال مصطفى حدوتة، خلال فيديو نشره عبر حسابه الرسمي على مواقع التواصل الاجتماعي: «والله مش عارف أبدأ كلامي منين، بس دايمًا ليه مصطفى حدوتة؟ ليه مصطفى حدوتة يدخل مع عمرو دياب بـ3 أغاني؟ ليه يشتغل مع عمرو دياب أصلًا؟ وليه يشتغل مع تامر حسني؟ وليه ينجح؟ كلام كتير ونقد، وفي ناس كتير معظمها بيبقوا قابضين فلوس مقابل ده، وحملات، بس ولا يشغلوني».
وأضاف: «هما فكروني جوا دماغهم إني هقعد في البيت وأكتئب، لكن ده مش هيحصل، هفضل طول الوقت بشتغل، وطول الوقت بنجح، وهفضل طول الوقت بعمل أغاني حلوة ومختلفة، وببذل أكبر مجهود، وبفرح بكل أغنية بعملها سواء نجحت جدًا أو نجاحها كان أقل».
وأشار إلى أن نجاحه مع الهضبة هذا العام جاء ردًا على كل التوقعات، قائلًا: «السنة اللي فاتت ناس كتير قالت إن مصطفى حدوتة مش هيشتغل مع عمرو دياب تاني، لكن الحمد لله السنة دي أنا أكتر شاعر اشتغل مع عمرو دياب في الألبوم، وده توفيق من ربنا أولًا، وثاني حاجة عشان خاطر العند... أنا شخص عنيد جدًا جدًا جدًا».
ثلاث أغاني
وشارك مصطفى حدوتة في ألبوم «حبيتك» للنجم عمرو دياب بثلاث أغنيات، ليصبح أكثر الشعراء مشاركة في الألبوم، في خطوة تعكس استمرار التعاون بينهما بعد النجاحات التي حققاها خلال السنوات الأخيرة.
