مصطفى حدوتة: «كنت واثق إني هبقى حد مهم.. وبوعد اللي انتقدوني إني هنجح أكتر»
مصطفى حدوتة: «كنت واثق إني هبقى حد مهم.. وبوعد اللي انتقدوني إني هنجح أكتر»
قال الشاعر الغنائي مصطفى حدوتة، إنّ النجاح الذي يحققه حاليًا لم يكن مفاجئًا بالنسبة له، مشيرًا إلى أنّه كان يؤمن منذ سنوات بأنه سيترك بصمة في مجاله.
مصطفى حدوتة يرد على منتقديه
وقال مصطفى حدوتة، في تصريحات خاصة لـ«الوطن»، أنّه يقول لمنتقديه: «الناس اللي بتنفسن إني أوعدهم هفضل أعمل حاجات حلوة تاني، أخليهم ينفسنوا أكتر، والناس اللي اتبسطوا من النجاح بتاعي، إن شاء الله هعمل حاجة تبسطهم أكتر».
وأضاف أنه كان يمتلك ثقة كبيرة في نفسه منذ نحو 10 سنوات، موضحًا: «لو رجعت بالزمن عشر سنين، كنت عارف إني هبقى حد مهم جدًا، بس مكنتش أعرف في إيه بالظبط، لأن كل شغلانة اشتغلتها اديتها كل طاقتي ومجهودي وحبي».
وأشار إلى أنه لا يزال يعتبر نفسه في رحلة مستمرة لإثبات ذاته، قائلًا: «مش عارف دلوقتي قدرت أوصل إني أبقى مهم ولا لأ، لكن اللي متأكد منه إني بعمل شغل مهم».
تعاون مصطفى حدوتة مع عمرو دياب
يُشار إلى أنّ مصطفى حدوتة تعاون مؤخرًا مع الفنان عمرو دياب في ألبوم «حبيتك»، من خلال ثلاث أغانٍ هي: «الألوان» و«وأنت جنبي» و«12 بليل»، والتي حققت تفاعلًا واسعًا وردود فعل إيجابية عبر منصّات التواصل الاجتماعي.
