تطورات الحالة الصحية للماكيير تامر دهب بعد إزالة ورم في المخ

كشفت الفنانة ألفت عمر تطورات الحالة الصحية للماكيير تامر دهب بعد خضوعة لعملية إزالة ورم في المخ.

وكتبت عمر، عبر حسابها الرسمي بموقع التواصل الاجتماعي فيسبوك: بقى لي يومين محتاجة أكتب بوست أقول لأخويا وعشرة العمر الفنان تامر دهب الماكيير، سعيدة بعمل العملية وخروجه منها بألف سلامة وهي عملية خطيرة جدا، والحقيقة كنت مرعوبة جدا جدا كمان، بس مش عايزة أوتر الناس فمكنتش بتكلم، بس لسه فيه خطورة طبعا.

وأضافت ألفت عمر: بجدد شكرى للنقيب بتاعنا المخلص دكتور أشرف زكى شكرا من القلب يا صاحب القلب الكبير، واللي عارف تامر عارفه بجمال روحه وإنسانيته وحب الخير ومساعدة الناس كلها ومحب لأهل بيته كلهم من الكبير للصغير، لكن لقيتها مناسبة حلوة النهارده عيد ميلاده بقوله كل سنة وأنت طيب، ويا رب سنة سعيدة عليك مليانة بالخير والنجاح والتقرب إلى الله أكتر وأكتر ودايما منور حياة أولادك وعيلتك كلها ومنور بيتك.

واختتمت: أرجوكم ادعوا له بالشفاء العاجل ويخرج منها أشد وأقوى من الأول وصحة حديد وسلام نفسي إن شاء الله، تستاهل كل الخير والدعم يا تامر أخى وصديقي العزيز تامر دهب.

• تامر دهب
• الماكير تامر دهب
• ألفت عمر