إكرامي عن أزمة حسام حسن والشناوي: اختيار الكلمة جزء من مسؤولية المنصب
إكرامي عن أزمة حسام حسن والشناوي: اختيار الكلمة جزء من مسؤولية المنصب
علق شريف إكرامي حارس مرمى الأهلي وبيراميدز ومنتخب مصر السابق، على تصريحات حسام حسن، المدير الفني للمنتخب، بشأن محمد الشناوي حارس مرمي الأهلي.
تصريحات حسام حسن
وكان حسام حسن قال خلال الموتمر الصحفي لمباراة مصر وأنجولا، عن استبعاد محمد الشناوي: «في أوقات سابقة كنا بنضم محمد الشناوي وكان بيلعب معانا، وكان منتهي مع النادي ومش بيلعب هناك، ولما شارك معانا رجع يشارك مع النادي، ومش عايز كل ما لاعب يستبعد يبقى الكلام عن إن فيه مشاكل بيني وبينه».
إكرامي: مشكلة حسام حسن في طريقة حديثه
وكتب «إكرامي»، عبر حسابه الرسمي على «إكس»: «مشكلة كابتن حسام حسن إعلاميًا في رأيي مش دايمًا في اللي عايز يقوله.. لكن كتير بتكون في الطريقة اللي بيعبر بيها.. وده ظهر جدًا في كلامه عن الشناوي».
وتابع: «المشكلة دي مش جديدة، فمش حابب أقف عندها كتير، لكن اللي لفت نظري في التصريح حاجة تانية، من حق أي مدرب يختار أو يستبعد أي لاعب لأسباب فنية، مهما كان اسمه وتاريخه».
وأضاف حارس الأهلي السابق: «لكن وصف لاعب إنه كان منتهي وإنك أنت اللي رجعته، بيحول الكلام من قرار فني لفكرة تانية خالص، فكرة إن المدرب صاحب فضل على اللاعب، طبعًا المدرب ممكن يكون ليه دور في رجوع لاعب لمستواه لكن لو شايف إن استبعاده صح فنيًا، استبعده من غير ما تحتاج تقول أنا اللي رجعته».
واختتم شريف إكرامي، أن حسام حسن ربما لم يقصد المعنى: «ممكن كابتن حسام حسن ما يكونش قصد المعنى ده، بس أحيانًا اختيار الكلمة بيبقى جزء من مسؤولية المنصب».
