«ضحايا تراكمات العداد»: الحياة كلها «تقسيط»

10:11 م | الثلاثاء 12 أبريل 2016

«الأقساط».. لفظ لا يخلو من حياة أى مواطن كادح، يتجسد فى شتى جوانب حياته، ملابس بالقسط، وطعام بالقسط، وعلاج بالقسط، وأجهزة منزلية بالقسط، حتى صار التقسيط أسلوب حياة، رغبة أكيدة فى الخلاص من هذا العبء بالسداد، لكنه فى النهاية يستيقظ على تراكم مبالغ طائلة لم يضعها فى الحسبان، ويجد نفسه مطالباً بتسديدها، فواتير كهرباء، غاز، مياه، حتى اصطدم بمحصل الفواتير يطرق بابه: «ادفع أو نشيل العداد».. لذا فقد توصل مواطنون للحل الأمثل لهذه المعضلة مع السيد محصل الفواتير ألا وهو «التقسيط».

{long_qoute_1}

الحاجة «بخيتة عبدالباسط» واحدة من هؤلاء الذين تراكمت عليهم ديون فواتير الكهرباء منذ اقتراب موعد زفاف ابنتها، حتى جاءها المحصل يطالبها بسداد 900 جنيه.. وتحكى: «أنا أرملة وعايشة على معاش أبويا، باقسمه أنا وأختى مع بعض، اتصدمت من فلوس الفواتير اللى عليّا وكمان بالتقسيط، مش عارفة هدفعهم إزاى، ولو شالوا العداد أنا مش هاقدر أتكلم لأن ده حقهم».

بدا الحال أكثر صعوبة لدى «أم أيمن»، التى لم تدفع أياً من فواتير الكهرباء والغاز والمياه عقب ثورة يناير: «ماعرفش عليّا فلوس كام، كل شوية حد يجيلى يقولى لو مادفعتيش الفواتير هنشيل العداد»، تعيش المرأة الخمسينية برفقة ابنتها المراهقة بعد وفاة زوجها على مساعدات «أهل الخير»: «عليّا أقساط بالهبل ومش عارفة أسدد إيه ولا إيه، إحنا طول عمرنا فى أقساط حتى الكهربا والميه هنقسطهم كمان؟، حرام».

لم تقتصر مشكلة «الفواتير» على فئة معينة، بل شملت ملايين المواطنين الذين وضعتهم الظروف فى هذا الوضع السيئ، «زكية أحمد»، أكدت أنها لم تدفع فواتير الكهرباء والمياه بعد أن أصبحت طريحة الفراش إثر إصابتها بالسكر والقلب والضغط: «ابنى بيصرف عليّا وبيعالجنى والظروف مش سامحة إنى أدفع فواتير ولا حتى بالقسط، كفاية الأقساط اللى عشنا فيها طول عمرنا ولو وصلت لأنهم يشيلوا العداد خالص مش مهم».