حتى الدروس الخصوصية غليت: الضرب فى «ولى الأمر» حرام

09:17 م | الأربعاء 12 أكتوبر 2016

لم تسلم الدروس الخصوصية من ارتفاع الأسعار الذى طال كل شىء، فأولياء الأمور المضطرون إلى إعطاء أولادهم دروساً خصوصية رغماً عنهم، فوجئوا بقيام بعض المدرسين برفع أسعار الحصص وإجبار الطلاب على أخذ دروس خصوصية، وإلا سيتم ترصدهم فى أعمال السنة والامتحانات، حسب ما أكده بعض أولياء الأمور. {left_qoute_1}

وقفت «أم عمر» أمام مدرسة أبنائها الابتدائية بمنطقة المنيب، منتظرة ميعاد خروجهم، حتى تتمكن من مقابلة المدرسين، لتوجه لهم اللوم على الكلمات التى سمعتها من ابنها عندما عاد من المدرسة: «ابنى فى 3 ابتدائى جاى يقول لى، المدرسة عايزة 150 جنيه عشان الدروس غليت، إحنا أصلاً مش قادرين على تمن الدروس يقوم المدرسين يغلوها، هنلاقيها منين ولا منين؟».

بغضب شديد تتحدث «أم عمر» عن عدم رضائها على الدروس الخصوصية، لكنها مضطرة، لأن المدرسين يتعنتون مع الطلاب بسبب الدروس: «الدرس بقى اجبارى، وبالعافية، ويا إما الدرس يا إما تيجى آخر السنة ماتسألش على الشهادة». مؤكدة أنها مطلقة وأنها تربى 3 أطفال وتتحمل وحدها مسئولية مصاريف تعليمهم: «عايزة أقول لهم الرحمة عشان إحنا تعبنا». لترد عليها أم أخرى من أمام المدرسة: «والله ابنى إمبارح جاب لى ورقة مكتوب فيها إن الدرس غلى من 100 جنيه لـ150 وأنا جاية النهارده لنفس السبب».

لم تجد «أم ملك» حلاً آخر غير منح ابنتها الطالبة فى الصف الثالث الابتدائى دروساً فى المواد الأساسية بتكلفة قدرها 300 جنيه شهرياً: «مضطرة عشان أريح دماغى من زن المدرسين واستدعائهم ليا كل شوية بدعوى إن بنتى مستواها متأخر، وكل زمايلها فى الفصل بياخدوا دروس، أنا اللى مضايقنى إن الدروس كمان غليت وأنا مش هقدر أدفع أكتر من 300 جنيه».

المعاناة نفسها تعانيها «نبوية»، أم لطفل فى الصف الخامس الابتدائى وطفل آخر فى الصف الثانى الابتدائى، ولكن مع المجموعات المدرسية: «المادة بـ35 جنيه، والدرس طبعاً أغلى بس أنا ماقدرش عليه، المدرسة مش بتجبر ولادى على الدروس لكن المجموعة إلزام علينا وإلا هيعاملوا العيال معاملة زبالة، أنا بدفع لحد دلوقتى 120 جنيه مجاميع بس».

لا تقتنع «أم أشرف» بجدوى الدروس الخصوصية فى تحسين مستوى أولادها، لكنها مضطرة للحصول على الشهادة: «العيال مابتفهمش كلمة فى المدرسة إحنا بندفع وخلاص عشان يعدوا السنة».