بريد الوطن| هاتريك أحزان
صورة تعبيرية
واخد هاتريك أيوه أنا
هاتريك فى الأحزان
باحلم أيوه ويطلع حلمى
كما البركان
وأفضل أغربل أيوه لحد مالاقى
حنان.. وأحلم بكره
يكون مش بكره
زى امبارح بالقضبان
وأغسل صبحى
وهاخده فى حضنى
أصله يا عينى باين بردان
وأفضل أطاطى لحد ماباطى
نشع عرقان.. عصفور شاف
النور.. قام فتّح.. لطّش ياما
وفى الجدران.. لما السجن
دابت قضبانه.. ومات فى عينيه
خوف السجان.. واخد هاتريك
أيوه أنا.. هاتريك.. فى الأحزان
طار وياريته.. ما طار من سجنه
عمره ما حس.. فى عش أمان
راجع تانى.. يخش لسجنه
شاف السجن.. ملان غربان
مات عصفور.. علشان حرية
سابها يا عينى.. ورا القضبان
واخد هاتريك.. أيوه أنا هاتريك
فى الأحزان.
أشرف الشناوى
شاعر عامية- البرامون
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com