سالي عبدالسلام مع والدتها: أنا تربية الست دي

نشرت الإعلامية سالي عبدالسلام صورة جديدة لها مع والدتها عبر حسابها الشخصي على "إنستجرام"، معلقة: "أنا تربية الست دي.. لما حد يقولك يسلم اللي ربى وطلع مبادئ وشخصية ورحمة وعين مليانة تتباهى بأهلك".

وأضافت سالي: "الست دي كل يوم بتعلمني درس ومعنى كل يوم كأي عيلة مصرية أنانية أصيلة وأنا أولهم وأنا صغيرة دمرتلها كل أحلامها وأي شغل عملته عشان مبقاش لوحدي وبابي جه كمل".

وتابعت سالي: "أنا آسفة.. بس أنا بحبك.. الدبة اللي أكلت مش قتلت صاحبها.. الست دي بعد العمر ده كله لسه حلمها مماتش.. غفلتنا كلنا اللهم صلي على النبي وراحت تاخد كورسات فاشون ديزايننج.. رحت وفاجئتها.. رحت آخدها زي ما كانت بتاخدني من المدرسة.. لا ومظبطة أيامه مع أيام شغلي عشان لما تسافر معايا في التصوير.. أنا فخورة بيكي.. بحبك.. تربيتك.. انتي اللي عملتيني".

واستكملت سالي: "لكل أم محققتش حلمها العمر لسه.. إحنا هنبطل نبقى أنانيين.. ربنا يخليهم ليكوا ويرحمهم ويعوضكم آخرة ودنيا لو مش موجودين معاكم.. الدنيا بتلف مع أهلك فعلاً.. بتتعكس.. زى ما عملولك لازم تعوضهم".

• صورة جديدة
• سالي عبدالسلام
• محمدمتولي
• "إنستجرام"
• صورة جديدة
• سالي عبدالسلام
• محمدمتولي
• "إنستجرام"