مواصلة في حب مصر.. "ميكروباص" و"توكتوك" لنقل الناخبين مجانا بكفرالشيخ
سيارات وتكاتك لنقل الماوطنين مجاناً فى كفر الشيخ
تناسوا أكل عيشهم وسخروا سياراتهم المخصصة لذلك لنقل الناخبين من القرى إلى لجانهم الانتخابية، في كفر الشيخ، دون الحصول على أجر منهم، خرجوا من منازلهم في الصباح الباكر، مُعلقين صوراً للرئيس السيسي وعبارات تحث المواطنين على المشاركة بالانتخابات الرئاسية، اشتروا أعلام مصر على نفقاتهم الخاصة، لتوزيعها على الناخبين، والأطفال الذين ذهبوا للجان بصحبة ذويهم للجان.
ويقول محمد الحسيني، سائق سيارة "ميكروباص"، إنه خصص أيام الانتخابات الثلاثة لنقل الناخبين من القرى القريبة إلى اللجان الانتخابية في قرى أخرى، دون الحصول على أجر من أي جهة: "بنقل أهل بلدي والأهالي في القرى القريبة، للجان خارج البلد علشان مصر، أنا سواق على الله، لكن مصر بتنادينا لازم نلبي النداء، علشان ولادنا، إحنا كل مستلزمات السيارات غالية، لكن مصر أغلى بكتير ومستقبل ولادنا أفضل، في أولوية لكبار السن والسيدات، والناس فرحانة وبشغل أغاني وطنية طول الرحلة ذهاباً وإياباً علشان الناس متزهقش".
أضاف محمد: "بمشي مسافات 10و15 كيلو علشان الناس تحط صوتها وبصحى بدري أخد أول حمولة الساعة 7 الصبح، علشان يقفوا أمام اللجان وينتظروا دورهم، وبرجع اخد الباقي، بعملي يجي 7 أو 8 مشاوير كل يوم، ووهبت نفسي لمصر الـ3 أيام دول، أنا بقول للناس ينتخبوا السيسي علشان هو راجل فاهم وواعي ومننا، أما المرشح التاني منعرفوش، وإحنا خلاص مش ناقصين تجارب".
لم يقل دور عبدالباسط سمير، البالغ من العمر 43عاماً، عن دور محمد، فخصص "توكتوك" الخاص به لنقل ذوي الإعاقات وكبار السن من قريته في مركز سيدي سالم إلى القرية المجاورة للإدلاء بأصواتهم: "انا بنقل الناس مجانا وعلشان مصر، إحنا متطوعين في حب مصر، البلد غالية علينا ولازم نتطوع من أجلها في وقت الإنتخابات، انا جبت علم مصر وعلقته على "التوكتوك"، وحطيت صور الرئيس السيسي، زعيم الأمة العربية".