كندة علوش تخرج عن صمتها وترد على منتقديها بتبرأها من الجنسية السورية
كندة علوش تخرج عن صمتها وترد على منتقديها بتبرأها من الجنسية السورية
خرجت الفنانة كندة علوش عن صمتها بشأن ضرب بلدها سوريا، بعد نشر بعض المواقع الاخبارية تصريحات صحفية بشأن تبرأها من الجنسية السورية.
وكتبت عبر حسابها على موقع تبادل الصور والفيديوهات "انستجرام"، عودت من بداية الأحداث ببلدي سوريا احترم كل شخص حتى المختلفين عني بالرأي وبعمري ما أدليت بتصريح او نشرت كلام في تعصب او طائفية او تحريض او إلغاء لأي طرف من الأطراف بس واضح انو قدرنا نستحمل النماذج المريضة ومفرزاتا المؤذية طالما الأزمة قائمة.
وأضافت، كنت آخدة قرار اني مارد على الأشخاص الي بتألف حكي وتصريحات (تحديداً سياسية ) على لساني وبتحاول تشوه صورتي وتورطني بمشاكل وتعرضني لهجوم.. لأنو من بداية الأحداث في ناس مستمرة على نهجا بترويج الإشاعات وتلفيق الأخبار والتصريحات وتشويه صورتي بكافة الوسائل والطرق والمشكلة انو في ناس بتصدق اي كلام بينقال حتى لو كان غير منطقي وخالي تماماً من المصداقية وبتنشروا بقصد الأذى او لمجرد الجهل".
وعن رأيها قالت، والي خلاني ارجع عن قراري ورد هو وجود أشخاص محترمين مختلفين عني بالرأي بس حريصين انن يعرفو حقيقة كوني أدليت بتصريح معين او غيرو، متل التصريح السخيف الي لفق من فترة على لساني والي بيقول اني بتبرأ من جنسيتي السورية وإني مابفتخر فيها والى آخره من هالهزي مع اني ما بفوت فرصة لعبر عن مدى فخري بكوني سورية وعن حبي وعشقي لبلدي وأهل بلدي".
وتابعت حديثها، "غيرا من التصريحات إلي انتشرت مؤخراً حول الأحداث الأخيرة بسوريا أنا عندي صفحات معروفة هي الوحيدة فقط إلي أنا بصرح وبتواصل مع الناس من خلالها وهي أكاونتي هاد عالانستغرام بالاضافة لكوني مابملك أي أكاونت على الفيسبوك ماعدا الـ fan page و أكاونت تويتر الي موجودين فوق بالبايو وبإمكانكم تراجعوا هالصفحات لتتأكدو من تصريحات".
