مسحراتى اليوم الخامس والعشرون
مسحراتى اليوم الخامس والعشرون
وانا صنعتى مسـحراتى فى البلد جوال
حبيت ودبيت كما العاشق ليالى طوال
وكل شبر وحتة من بلدى
حتة من كبدى
حتة من موال:
كان عندى زغلول ورايح للطبيب عارضه
جسمه رقيق ما تعرف طوله من عرضه
خدّه انجرح فى النسيم لما النسيم عارضه
ياللى حزين ع اللى فات وقتلت زغلولى
كان عندى حب الدره أبرك من اللولى
حزنك على مال مكلفنى الشقا والغم
والدمع والدم من عينى ومن عين أبى
آدى البلد نورت بالورد والعنب
ورجع لى زغلولى مالك ثورته وعرضه
المشى طاب لى والدق على طبلى
ناس كانوا قبلى قالوا فى الأمثال
الرجل تدب مطرح ما تحب
