مسحراتي اليوم السابع والعشرين
صورة أرشيفية
وانا صنعتى
مســحـراتى
فى البلد جوال
حبيت ودبيت
كما العاشق
ليالى طوال
وكل شبر
وحتة من بلدى
حتة من كبدى
حتة من موال:
يهدينى طول المدى
رؤيا الندى والطيف
وقلبى ينزل على
كل القبايل ضيف
يطلع مع الحى
رحلات الشتا والصيف
ويشرب الطهر
من زمزم براحاته
طابت جراحاته
يا ساكن
مِنى والخيف
اصـحى يا نايم
وحّد الدايم
السعىُ للصوم
خيرٌ من النوم
دى ليالى سمحة
نجومها سبحة
اصـحى يا نايم
يا نايم اصحى
وحّد الرزاق
المشى طاب لى
والدق على طبلى
ناس كانوا قبلى
قالوا فى الأمثال
الرجل تدب مطرح ما تحب