بريد الوطن| الاحترام واجب
صورة تعبيرية
لما تكلمنى ما ترفعش الكلفة
أنا صعيدى وشايل عـ الإيدين قفة
بتعب وبشقى علشان تعيش
وابنيلك السكة على الكورنيش
وأزفك عالمزمار فـ الزفة
فلما تكلمنى ما ترفعش الكلفة
* * *
يابو بدلة وماشى متقمع
والجزمة بالوش ملمع
أنا يابو مخ اللى بزرعلك
أنا يابو أصل الأصل فـ أصلك
لو توزنا هترجحلى الكفة
فلما تكلمنى ما ترفعش الكلفة
* * *
أنا جاى صحيح من قبلى
وجدورى هنا من قبلى
جاى أتعلم.. علشان أتكلم
زى ما أنت بتتكلم
واتهندم وانطق الحرف بخفة
فلما تكلمنى ما ترفعش الكلفة
ياسر محمود محمد - الأربعين - السويس
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com