مطاعم «دايت» تحت إشراف إخصائى تغذية: هتاكل وتخس من غير ما تحس
أكلات دايت فى مطاعم مخصصة لأصحاب الأوزان الكبيرة
مطاعم تستهدف زبوناً خاصاً، لا تطهو الأكلات باستخدام الكريمة والزبدة والسمن، تُفضل الجريل عن المقلى، والسلطات عن المقبلات، مطاعم للأكل الدايت، فكرة لاقت إعجاب الكثيرين، ليس من الراغبين فى إنقاص أوزانهم فقط، بل من محبى الأكل الصحى أيضاً.
محمود أمير، إخصائى تغذية فى مدينة المنصورة، مر بتجربة شخصية استطاع خلالها أن يفقد 20 كيلو من وزنه ساهمت فى تغييره تماماً: «من سنتين كنت عاوز أخس، أهلى كلهم كانوا بيساعدونى وكمان خطيبتى، ماكنتش عاوز أعمل نظام غذائى يحرمنى من إنى آكل الوجبات اللى بحبها». اقتصرت أكلات «أمير» على الأطعمة منزوعة الدهون والدسم: «كانوا بيطبخولى الوجبات اللى بحبها من غير أى دهون نهائى.. فكرت أعمل بيدج على الفيس بوك بالفكرة دى».
منذ اللحظة الأولى التى أعلن فيها عن الوجبات على موقع التواصل الاجتماعى «فيس بوك» ورد الفعل كان قوياً من جانب الأشخاص المتبعين نظاماً غذائياً: «الناس بدأت تطلب كتير عكس ما توقعت». «فاهيتا دايت»، «برجر دايت»، «شاورما دايت» هى أشهر السندوتشات التى يقدمها «أمير»: «بنعمل الجبن لايت، أنا اللى بصنعها، وكله بيتشوى على الجريل من غير زيت أو سمن أو دهون، وبنقلل من نسبة اللحوم والفراخ ونعوضها بفلفل ألوان مثلاً»، نجاح الفكرة عبر صفحته على «الفيس بوك»، هو الذى دفعه لافتتاح المطعم: «المطعم مش كبير قوى، فاتحه من رأس مال صفر تقريباً، بس الإقبال حلو مش من أصحاب الدايت بس، فيه رفيعين بييجوا عاوزين يحافظوا على وزنهم».
صداقة شيف الطعام لطبيب تغذية جعلته يفتتح مطعماً يقدم وجبات «دايت»، محمود السيد، صاحب أحد مطاعم الوجبات الصحية بمحافظة الإسكندرية، افتتح المطعم منذ عام واحد فقط: «الإقبال حلو جداً بالنسبة لأول موسم.. فيه ناس بتحب أكل المطاعم بس الدايت والريجيم كان مخليهم محرومين من الأكل ده.. إحنا حاولنا نعوضهم»، يقوم «السيد» بمساعدة صديقه الطبيب بقياس نسبة الكربوهيدرات المقدمة بكل وجبة: «مش بنستخدم أى دهون على الإطلاق والفراخ واللحمة بنسويهم على الجريل عشان ننزل الميّه والدهون اللى فيهم».
فراخ بصوص الليمون، وأرز بسمتى بالذرة، والبسلة، هى أشهر الأطباق التى يقوم بتقديمها لزبائنه: «صوص الليمون بيساعد على زيادة الحرق.. إحنا حاولنا نحط أرز فى المنيو ويكون معمول بطريقة من غير أى دهون».
أكلات دايت فى مطاعم مخصصة لأصحاب الأوزان الكبيرة