بريد الوطن| العيون دول
صورة تعبيرية
بعد صبر انكتبلى أنول
تحس بيه العيون دول
تحن ليه تنده عليه
من غير ما أتكلم ولا أقول
العيون دى بتندهلى معقولة
وانا حبيت كده بسهولة
آمنت بحب النظرة الأولى
بعد ما قلت ده مش معقول
عمرى اللى اتمنيتله النهاية
من كتر الجراح اللى جوايا
من نظرة منها وضحكاية
بتمنى دلوقتى يطول
راهنت عليك يا نصيب
وأهديتنى أرق حبيب
لجراحى لقيت طبيب
وهمى عنى هيزول
النصيب اللى بيها جمعنا
مالوش يا قلبى غير معنى
إنها النص التانى بتاعنا
على سنة الله والرسول
بعد صبر انكتبلى أنول
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com