معرض ملابس خيرى: الحتة بـ5 جنيه لـ«رفع الحرج»

خلال 15 يوماً اجتمعت لديه كمية كبيرة من ملابس الشتاء، ورغم أن النداء للتبرع كان يقتصر على الملابس المستعملة، إلا أن بعض الملابس الجديدة كانت ضمن المتبرع به، ولكى يرفع الحرج عن بعض محتاجى تلك الملابس، فقد قرر ضمن فريقه أن يكون هناك سعر موحد للقطعة يبلغ 5 جنيهات، ومع عرض الملابس للبيع، اجتمعت عليها عشرات الأسر لشراء ما تحتاج من ملابس شتوية.

{long_qoute_1}

يحاول محمد مختار كل فترة، تقديم يد العون لجيرانه، من خلال مجهودهم الذاتى، ودعمهم لبعضهم البعض، وكانت فكرة معرض الملابس تلح عليه، لكن الأوضاع الاقتصادية والظروف الصعبة التى يمر بها البعض كانت تؤخره: «لكن فى النهاية قلت ده رزق ناس، ولو ربنا كاتب لحد حاجة هياخدها» يحكى الرجل الذى ما أن دعا جيرانه للتبرع، حتى اجتمع لديه أكثر من 2000 قطعة من الملابس المختلفة، لم تكن كلها مستعملة: «وعملنا بيها معرض جنب مسجد أبوبكر الصديق فى زايد، واشترطنا على اللى عايز يشترى يدفع 5 جنيه بس». الشرط بحسب «محمد» ليرفع الحرج عن البعض فحسب، فمن الذين اشتروا مَن لم يدفع سوى ثمن قطعة بينما أخذ 3 قطع: «مش شرط يعنى لكل قطعة 5 جنيه، والحمد لله ناس كتير استفادت، وجات لى كوتشيات وجزم جنب الملابس».

كانت منى الجمال، ومصطفى الشندويلى، وريهام شلش، بعض أفراد تنظيم ذلك المعرض، الذين شاركوا فى جمع الملابس وتنظيفها، وكان لديهم حرص على أن يكون البيع بشكل لائق: «بننضّف الحاجة بشكل كويس، ونجيب أكياس جديدة، ونحط المعروضات على شماعات كأن الناس فى محل بالظبط» تحكى «منى»، التى وقفت يوم البيع للمساعدة، ضمن آخرين تطوعوا لذلك اليوم فحسب: «اللى جه يشترى كان بياخد اللى محتاجه بس، وفيه ناس خدت ملابس وماكانش معاها فلوس وكان عادى، الـ5 جنيه مش شرط، لكنها بترفع الحرج». الـ5 جنيهات ثمن القطعة من الملابس، ستذهب إلى محتاجين آخرين على سبيل الإطعام: «هنجمعها ونعمل بيها حاجة خيرية برضه، سواء إطعام أو شراء جهاز مثلاً لمستشفى، أو أى حاجة خيرية».

• الأوضاع الاقتصادية
• الملابس الجديدة
• الملابس المستعملة
• ملابس الشتاء
• ملابس شتوية
• معرض خيرى
• الأوضاع الاقتصادية
• الملابس الجديدة
• الملابس المستعملة
• ملابس الشتاء
• ملابس شتوية
• معرض خيرى