بريد الوطن| بمـرور الوقت
القلوب
طب إيه... صدقت؟!
إن مفيش ف الدنيا ثوابت
حزنك ف الثانية مهوش ثابت
شمسه اللى بتشرق فيك غابت
بمرور الوقت
حتى الأوجاع اللى لابسها
ف الأول كنت انت مقاسها
كت لايقة عليك كنت حاسسها
لكن دلوقت وسعت.. وقعت
بس انت سبقت
واهو ضاق كل براح للدنيا
على قد ما ضقت
فاحزن تانى.. واحلم تانى
بكرة هتصحى على شىء تانى
هتكون ميت لو فعلاً مت
فانت أخيراً بره الدنيا
وانت أخيراً من حلمك فُقت
وانتهى وقتك بمرور الوقت
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
